Старажытныя людзі на тэрыторыі Беларусі: засяленне тэрыторыі, заняткі, асноўныя вынаходствы і адкрыцці, рэлігійныя вераванні.
Вылучаюць тры перыяды першабытнага ладу: каменны, бронзавы і жалезны вякі.
Краманьёнцы — першабытныя людзі, якія з'явіліся 40–35 тысяч гадоў таму. Яны прыстасаваліся да жыцця ў халодным клімаце і рассяліліся на поўдні Беларусі.
2Каменны век скончыўся ў канцы III тысячагоддзя да н. э.
Дасягненні: авалоданне агнём, вынаходніцтва вастраверхіх прылад працы.
Людзі займаліся збіральніцтвам каранёў, паляваннем на мамантаў і паўночных аленяў. Існавала прысвойвальная гаспадарка: людзі бралі ў прыроды ўсё ў гатовым выглядзе.
Паступова пераходзілі да аселага ладу жыцця. Прылады працы выраблялі з крэменю.
Жылі родавымі абшчынамі, на чале якіх стаялі старэйшыны. Роды аб'ядноўваліся ў плямёны. Існаваў матрыярхат.
3Бронзавы век — з II тысячагоддзя да н. э. да VIII стагоддзя да н. э.
Вырабы з медзі і бронзы траплялі на тэрыторыю Беларусі з поўдня.
Адбываўся пераход да вытворчай гаспадаркі. Спачатку земляробства было матыжным, пазней — падсечна-агнявым.
Людзі высекалі лес і спальвалі пні, а попел выкарыстоўвалі ў якасці ўгнаення.
На змену матрыярхату прыйшоў патрыярхат. Пачалося пранікненне індаеўрапейцаў.
4Жалезны век пачаўся з VII стагоддзя да н. э.
Людзі навучыліся здабываць жалезную руду. Развівалася ворыўнае земляробства.
З'яўленне лішкаў прадуктаў прывяло да маёмаснай няроўнасці. Узніклі багатыя і бедныя людзі, пачалі адбывацца сутычкі.
Для абароны будавалі гарадзішчы.
5Рэлігійныя вераванні і мастацтва.
Людзі не маглі растлумачыць прыродныя з'явы, таму верылі ў звышнатуральныя сілы прыроды, існаванне душы і яе неўміручасць.
Узніклі пахавальныя абрады. З'явіўся звычай насыпаць курганы над магіламі.
Прыклады мастацтва: скульптура, жаночыя ўпрыгажэнні, музычныя інструменты.